TARDE NUESTRE – PRO VERCELLI = 0 A 0…ACCUSSI’ AMA SCE’ A UERRE? |
L'ha scritt Aldo "Diecipalazzine" | |
martedì 06 marzo 2012 | |
L’arbetre se chiamave COCCIA, e jeve proprie tueste ‘ngape. ‘U segnalineee se chiamave LEALI. E ce jeve Sanreme? Comunque, no’nge accucchiavene ‘na lire tutt’e trete! Le uagnune d’a curva nord, honne lucculate o Presedende de pajà le stependie alle sciucature. Honne assute ‘na cinghecinde eure appedune. Ma diche ije, no’nge le putevene lassà suse a curve le solde, accussì le sciucature se le scè pigghiavene? Eheheh! Comungue, nuje ste scherzame, ma a Tarde stonne ‘nu sbuenne de cristiane ca nonge potene mangià averamende. Otre le chiacchiere! Le uagnune de Tarando Supporters s’honne mise ‘a maglietta vianghe cu suse scritte: RespiriAmo Taranto. Ma quanne s’honne luate ‘a magliette, s’honne accorte che no’nge eve chiù vianghe, piccè a Tarde nuestre, le robbe vianghe addevendene gnure p’u polverine d’u Sidellurgeche. Eheheh! Pigghiamele a rriseeeee! |