JUVE STABIA-TARDE= 3 A 1... D’A JATT’E’ ‘A COLPE… |
L'ha scritt Aldo "Diecipalazzine" | |
domenica 11 gennaio 2009 | |
‘U prìme tièmpe ha fenìte cu ‘nu gòl appedùne... le napuletàne hònne segnàte ambrèsse ambrèsse e ‘u Tarde strazzàte e arrepezzàte ca tenìme ha riuscìte a pareggià all’urtème menùte cu CARROZZA ca ha sckattàte ‘na punizziòne fèrma fèrma. Ma ce ‘a patron’jè ffèsse, ‘u sapìme, ‘na brutta ‘mbicelate de ‘na jàtte se po zumbiglià ‘u pesce da’ cucine… e accussì ha succèsse. ‘A Juve Stabbje, n’ha ffàtte ‘a fèste e ‘u secònde tièmpe… ha stàte birbante accome dìce ‘u titèle d’u lìbre sèmpre d’Alèng Alòng… ame pigghjate doje gòl. ’U prìme, piccè ‘a defèse stè durmève e ‘u secònde pe ‘nu regòre. Ce sckife! ‘Na squadre scungegnàte quèdda nòstre… senza cervièdde… ’no stè ‘nu sciucatòre ca cumànne… fa ca è l’armate de Brancalione. Hònne trasùte BARROTTI e doje uagnùne giuvéne giuvéne, CESAREO e RUSSO ma avìme pèrse ‘u stèsse. Ma accòme dicì ‘u marìte a’ mugghjére ca se facì fottère ‘u pèsce sott’all’uecchjè… cè colpe tène quèdda sbemmerate ce tu sì ffèsse, nate e cungriate? |