JUVE STABIA – TARDE NUESTRE = 0 A 3…’A MADONNE SE L’HA VISTE! |
L'ha scritt Aldo "Diecipalazzine" | |
martedì 26 aprile 2011 | |
Ma po’ indr’o cambe hagghie viste unnece liune. Accome quidde d’u cirche ca honne mise nnanze o Iacovone! Ehehehe! Ce bella Pasche st’anne!Ha segnate CORONA… ca jè angore ‘u nuestre e po’ GIRARDI e SY, ca honne abbevesciute, viste ca jè Pasche! E accussì mò stame indr’a zona play-loffe e manghene tre partite. Speriame ca ‘a Madonne, ca se l’ha viste, n’accumbagne sempre. No’nge credeve ca ste vengemme tre a zere! Comungue, ‘u Mister ca se l’veve pigghiate piccè l’avemme ditte ca ‘u Tarde nuestre sciucave, sciucave ma ‘a palla ‘mborte no’nge a metteve, s’ha luate ‘a spine. E sta bbene a DIONIGI! Pure pe l’avugurije ca n’ha fatte de ‘na Sanda Pasche. Accussì ame truate ‘na bella sorprese indr’alle ove de Pasche. Tre gol alle scabbiese! Beh Uagnù! Ve stoche a llasse mo’! Ca hagghie a scè ffa carsuniedde. Faciteme pigghià ‘a scarcelle cu l’ove. Ce scarcella grosse m’honne preparate st’anne! Chiù grosse de quedde ca ame fatte nuje a BRAGLIA! Ehehehehe! Avugurije! |