E ssìneee… osce stàvéne ‘le stiuàrde maschéle e le stiuàrde feméne… una se chiamàve accòme ‘a Reggìne de Scòzzie, Marije e dàse ca ève vestùte da stiuàrde, pe mmè putéve essère sàtta sàtta Marije Stiuàrde. Onèste! stavéne chiù stiuàrde ca cristiàne… quàttre jàtte stàmme osce o’ Iacovòne… 1500 tefùse. Mò ca stòche a ppènze… ca pùre le stiuàrde so cristàne nòne? M’ arrecòrde ca quànne o càmbe cèrte vòte facevéne a mazzàte cu le marenàre… sendìve dicére : Madòòò a mazzàte stònn’e ffànne? Ci? ‘Nu cristiàne e ‘nu marenàre… ehehe… fa ca mò le marenàre no jèvéne pùre lòre cristiàne. Comùngue, osce ha accumenzàte ‘a partìte e le uagnùne d’a curva nord nònge hònne lucculàte pe déce menùte…

hònne fàtte ‘na sòrte de sciopére. Però, quànne stònne cìtte lòre pàre ca stàme o San Brunòne…ce murtorije. ‘U speaker d’u càmbe nònge ha dìtte nemmànghe le formazziòne. Osce l’avìva terà le paròle da mmòcche. Assevéne e trasevéne le sciucatùre e jdde mànghe p’a càpe. Ma ce, stè sparagnàme pùre sùse o speaker? Ma u pajéne a paròle? Ce chijànte! ‘U prìme tijmbe avìme fàtte ‘nu pàre de tìre mbòrte e ‘nu gòl. Ha segnàte CARROZZA. Aggarbàte ‘u uagnòne… ha avùte ‘nu pallòne da SOSA e ha menàte ‘na sbunnàte de sinistre. N’avìme scambàte ‘nu regòre grànne quànde a ‘na càse… n’ha sciùte bbòne. O secònde tijmbe MICCO s’a gnuttùte ‘nu pàre de gòl e ha pigghjàte pùre ‘nu pàle. Ha trasùte DI (capoluogo della Puglia), nu difenzòre, e ha assùte CATURANO… ’u cendrattàcche.
Tùtte avìme penzàte. Ma l’allenatòre ha rincoglionite? E ‘mbéce nòne. Quìdde vùrpe ha fatte avanzà MICCO e SCIAUDONE (ca ha pigghjàte ‘u pòste de MIGLIETTA) e ‘u Tàrde ha fàtte ‘nu belle secònde tijmbe. ‘Nu sciucatòre d’a Ternàne ha stàte scettàte fòre da ‘u càmbe e ‘u Tàrde nuèstre ha purtàte a ccàse ‘na vittorie mbortànde. Apprìsse alle stiuàrde stavéne pùre ‘nu sbuènne d’addetti all’antincendio… ma facitéme capì. A cce serve l’antincendje ind’a ‘nu càmbe de cemènde e de fijrre? Comungue Uagnùne e Uagnèdde v’hagghj’a dicére ‘na còse... nònge ‘u sàcce ce quèdda uagnèdde ca facéve ‘a stiuàrde se chiamàve averaménde Marije.. me piacéve sta battùte de Marije Stiuàrde. ‘Na còse jè cèrte... jéve ‘na bella uagnèdda, ‘nzìste e biònde. Chiù jèrte de me... vabbè ca ije mica so jirte! Nemmanghe vàsce però... decìme ca so... diversamente alto...ehehehe. Ce n’avìm’a ffà de Marije Stiuàrdeeee, a Reggìne... nuje tenìme ‘a stiuàrda nòstre, bionda, bbona, gagliàrde e tòsta... annèseeeeeeeeee!