Ce’ papagne uagnù! Ce’ ccose avite capite? None PAPAGNI, l’allenatore delle barise… ma proprie suènne suènne. Jè vere ca jè vvere ca ‘u paregge stave bbuene a tutt’e ddoje… ma almene a fa finde de terà m’borte. Niende! Ce sckife! Cu quidde de RAI SPORT ca facevene scènnè o latte… ciendemila vote megghie Giuanne nuestre. A ‘nu certe punde hagghie avasciate ‘u volume d’a televisione, pe no le sendere cchiù, e hagghie appezzecate ‘a radie. Accussì sendeve Giuanne nuestre e me uardave ‘a partite a RAI SPORT. Ehehehe!

Ma ce ffine avevene fatte le tefuse tarandine? Dice ca avevene vennute ciendecinquanda biglitte… Bah! Misteri! Honne sciucate bbuene SOSA, MIGLIACCIO (ca s’ha scuasciate ‘nu scenucchie), CHIARETTI. BREMEC ha fatte sule ‘na parate ma te chidde forte forte. Ce ccose v’hagghi’a dicere? Pareve proprie ‘na partite de serie C. L’allenatore honne ditte ca le squadre honne sciucate bbuene! Siiiiiiii? Nuje n’avime sciute o suenne. Belle parevene le tefuse barise a sfottere le tarandine ca no’nge putevene fa niende. Accome ve piaaaaaceeeeeeee! Nooooooo? Ci no zumbe jè ‘nu bareeeeese!