D' 'u vine de le vùtte
ognune cu se nn'ènghie 'na buttìglie
e nghììreche a cannùtte
ogne parènde e tutte de famìglie;
prime, però, facìte 'na mangiate
e ppo', cu' 'a vèndra chiéne 'na ballate.

Ve vògghie arrecurdare
(e l' hagghie mise pure a tistamènde)
ch'a tutte hàgghia lassare
'nu làscete, sule ch'ògne parènde
m' ha da caccià' 'nu disedèrie forte
ca m' ha venute mo', 'm pùnde de morte.

Jè l'ùrteme spiùle;
m'avìta purtà' mone e llòcche-lòcche:
'nu sètte o uètte zrùle
de malvasìje ca t'addore 'm mocche,
de càrne, trè bestècche de cavàdde,
sè' mètre de sazìzze, 'nu taràdde

De pane a 'u « fùrne-sole »
e, ddate ca mo' me stè' vvéne 'a fame:
'nu tììste de brasciole,
po', dope, tànge-tànge ca n'acchiame,
'na cèsta chiéne d'òscre c'u lemone
pe' me sculare 'nn'òtre calapone;

Cucùzze a' parmiggiane,
de cozze a mmènza scorze 'na tajèdde,
cannuéle a' siciliane,
do' calamare fritte e siccetèdde,
trè cchìle de suffritte cu' 'a cepòdde,
tànde òtre bbèlle cose tuèste e mmòdde;

Do' cìcere arrustùte
po', 'nu stuppìdde e mminze de lupìne,
affìngh'e 'u spìsse stùte
'na lampetèdde ( ch'a qquà 'nzìcche 'u vine ),
quànde a 'nu chile de cumbìtte ricce
'e ppo', mèndre 'stà rrobbe stoca spìcce

Ce me scè' preparat
do' lambasciùne ìndr'a 'nu tianììdde
oppure 'na sckacchiate
de puperùsse, cu' do' rafanììdde
cè ssàcce... cu' do' rape de Martine
pe' l'annaffiare po' cu' ttànda vine.

'Nguànde a le chiangarédde,
cu' ttànda sùghe, caserecotte e llàrde,
ne vogghie 'na scutèdde
piccè m'hàgghia sazziare, 'nguàrche ssàrde
fàtte spenate e frìtte, cu' do' alìce;
m'hàgghi'abbinghiare, a' fàcce de l'amìce.

Cazùne cu' 'a recòtte
e ppo', 'nu minze agnììlle cuètte a 'u fùrne...
Fendànde jè menzanotte
e vvogghie cu me rumanite attùrne.
Attinde a vvu', pe' 'nguàrche sbenemènde,
quànne ve scè' leggìte 'u testamènde

(Ca stè' prucate sotte a quèdda gràste)
sendènne quànda ràscke hàgghie rumàste?!?!—