Nel frattempo si affaccia cumbà Peppino dal balcone… che avendo sentito il dilemma di Alduccio, detto Didino, posto a Carmela, la piu’ colta dei tre,  interviene …  
PEPPINO
Naaa Didinoo 'a Cummare, stè fface le chiancaredde … ca’ mo’ t’aveva addumanna'’ picce’ pure je stoche nu’ pijcche scugertate … u’ se’ ce’ m’ha successe a’ me’ ‘nvece …  hagghie passate da’ nande a’ nu’ giurnalaje … no’ sse’ ca’ mettene chijdde manefeste granne granne … e’, .. e’,  chijdde! …  Ca’ so’ bbelle assaje , picce’ scrivene le parole gruesse suse … ca’ vonne bbuene pe’ me’ ca’ songhe nu’ picche cicate,…
Beh … suse a’ une, stave scritte gruesse gruesse:  TARANTO: E’ IL DESSESTO
Apprim’acchitto hagghije penzate … miii ce’ bbella nutizie … u’ Tarde ste’ au’ seste poste,  ma … datese ca’ nonge ste capive de’ ce’sso’ ca’ stame a’ sta posizZione  … hagghije addumandate au’ giuvinotte ca’ fatije adda’-  ue’ bbelle picci’ … ma de’ ce’sso’ ca’ stame au’ seste poste??  Au’ sciueche d’u’ pallone?-
-Seeee-  m’ha resposte - u’ sciueche d’u’ pallone … u’ nonne’, ma addo’ cambe tune suse a’ lune?-
Ueee giuvino’ - hagghije ditte - ce’ je’ st’edducazZione, je’ vere ca ce’ nonge stoche ‘nfurmate … ma me’ pue’ pure respunne’ chiu’ aggarbate … ecceccos’e’ … sta’ giuvendu’ d’osceadie!-
Ha viste ca’ me ste’ ‘ngazzave nu picche e m’ha spiegate u’ fatte …
- U’ no’ … ma u’ se’ ca’ stame tutte ijndre alle uaie … ste’ puletecande s’honne futtute tutte le’ turnise … e mo’ a Tarde ste’ u’ desseste …
U’ desseste … u’ desseste …diche je … che non pozzono usare parole nu’ poche piu’ … capibbili, che li cristiane anziane accome a’ me’ nonge capiscene bbuene ce’ volene significa’??
Ma so’ cose da pacce, … mo’ chijdde se’ futtene le turnise e nu’ stame jndre alle uaie …  e pe’ no’ ne’ fa’ capi’ nijnde … u’ screvene in … frangese  …  DESSESTO …. DESSESTO!
Didino , je’ pussebbele ca’ pe’ nuje ca’ nonge hame sciute alle scole jirte, sti’ strunze ca’ fanne le giurnale  … nonge scrivene chiu’ aggarbate … ce’ssacce je …   LE PULETECE SO’ TUTTE … MARIUNGIJDDE!
E rivolgendosi a cummà Carmela che sta in cucina…
…..  Dillu tu’ Carme’ … ca’ chijste ne’ stonna fanne fesse a’ totte maniere!!

DIDINO
Naaaaaaa cumba' Peppi'!  allore stave bbuene ije, ca sceve spierte p'u quartiere p' acchia' stu' bbuche!
N'aveve capite proprie ninde! Vuol dire c'agghia sce' all' Ipercoppele e m'agghia sce' accatta' notra televisione. Cumba'! sule a fegure c'agghie fatte, cu le cristiane. Picce' ije sceve geranne e dumannave:
Mae' ma addo' ste' 'u buche? Beh! Certe me respunnevene ca none sapevene ninde, cert'otre, invece, me respunnevene a male parole, une m'ha ditte: dumannele 'a mamete, - n'otre m'ha ditte: nnanze a sorete, - nu prevete s’ha fatte a croce e se n'ha scappate… na bella frusckulona, m'ha ditte ca iedde 'u sapeve addo' stav ‘u buche ,ma  ca pero' pe mmu fa vede' vuleve 100 eure.
Matooooooo ce brutta fegure!  Accussi' 'u desseste no' ngentre ninde cu 'u quartiere?

PEPPINO
Eeeeeeh  ‘mba’ Didi’,  pure u’ prevete nonne sapeve nijnde d’u’bbuche??  Ma tu' vide nu’ picche … chidde sapene vite muerte e’ meracule de’ tutte cose …
Gomungue , vide ce’ t’l’accatte na' televisiona nova, . all’ipercoppele mo’ stonne cu’ l’offerta, e apprijsse a’ televisione te donne pure na’ specie de’ shcatuletta cu’ tande buttune ne’ cazze une  e passe da’ na vanne all’otre …Figghijeme m’ha sundonizzate u’ file d'u' cose  adda' ... u' cose ... accome se' chiame... ’l’andenna suse a’ u’ tigginuestre … parle nu’ giuvinotte simbateche assaie, Franghetto se’ chiame e ognettande parle pure nu’ uagnone ca’ se chiame Mimme … Furnace … Furnache … mah … nonge m’arecorde bbuene u’ cugnome … ie u’ chiame Mimme “uah uah” …
A’ cose ca’ me’ sona strane je’ ca’ stu’ fatte du’ dessenze cu u’ buche nonge l’hagghije ‘ndise …. o’  l’honne ditte  e ste’ durmeve  opuramente stave  distratto!

Una ragazza che passava di là, con coda di cavallo, finestrino abbassato, braccio sporgente fuori dell'abitacolo dell'autovettura, ascoltando sprazzi di quella colorita conversazione, affascinata dall'uso di quel dialetto così stretto, decise di accostare e parcheggiare. Avrebbe chiesto lumi su quei brandelli di conversazione, ma soprattutto su alcuni termini dei quali non aveva afferrato che vagamente il senso. Col viso abbozzato al sorriso, aprì la portiera, mise fuori la gamba sinistra avvolta in un sinuoso stivale nero con stringhe. La gonna corta lasciava scoperto ginocchio e inizio coscia. Il suo sguardo proteso verso i due che avevano parlato fitto fino a quel momento interruppe il loro discorso sul dissesto e sul buco. Quattro occhi bramosi seguirono l'uscita della seconda gamba della ragazza che, chiuse la portiera, e, scuotendo la coda di cavallo, puntò decisa in loro direzione.

DIDINO
Na na Pe’! Citte citte! Quedde de le 100 eure ste' avene!

FRUSCKULONA
"Scusate. Voi siete entrambi di taranto vero? Ho intrasentito qualcosa della vostra conversazione ma non sono riuscita a comprendere il senso di alcune parole. Sono una studiosa di idioti dialettali. Se non vi spiace vorrei farvi qualche domanda"
… e prendendo carta e penna, con fare compunto si apprestò a rivolgere qualche domanda ai suoi interlocutori inebetiti da quanto riuscivano ad intravedere dalla scollatura della camicetta di quella strana ragazza che sembrava piovuta da un'altra dimensione
" Lei prima ha detto frusckulona? che cos'è una frusckulona?  e perchè per far vedere il buco ha bisogno di 100 euro?"

PEPPINO
Naaaa Aldi' ... ce' vue'ccu' vide ca ha cangiate penziere e te' vo' cu' face avvedre u' bbuche rialate?...
Scosato signora ... no' putite parlare nu' poche piu' .... chiu' ...  nonge hagghije capite nijnde va' ... mo' vu' diche...
(parlando sottovoce cu' Aldine)
Gomungue Didi'  ... cu' te' ha teneve ... ha dijtte ca' si' idiota e ... diarettale pure ...

CARMELA  affacciandosi al balcone rivolta a cumbà Peppino
Mamma meje, scusateme assaje ma stò fazze ancore tròzzel', com’è  'mbà Didìne ha ditte cà stàve a Paolo Sest' pe' truà u' buche! Cà ave dà stàmatine cà stè dummanne a  tutte, ha fatte rùssicà pure nù prevete, ma nisciune le sape risponnere, e mò s'ha stancate buène, buène.
Rivolta a cumbà Didino
Mbà Didì ritirete cà stè scurèsce, e pò a casa stònne tutte cù penziere.
Cumbà Peppì mi meraviglie di te! Com'è lasse 'u uagnone giranne sule, sule a 'u quartiere, pè cercà 'u buche du disseste? ... Mbà Peppì, tu è lette sùle a locandina  TARANTO: E’ IL DISSESTO
ma ije m'agghie lette tutte l'articolo cà dicèv'
< A Taranto il dissesto ha provocato un buco che ha fatto toccare il fondo >....
E' tutte chiare mò!
Pè cercà 'u buche nònge ma scè a Paolo Seste! Piccè pè tuccà u fùnne bisogne scè bbàsce a mare ...no?... e u buche addà stè! Anche perchè ci discene cà è tanta granne, sule ddà pò stà, no ve pare?

VICIINZE  passando di lì soprapensiero
camenave pe le fatte mje penzanne a quedda uaggnedda de fronde a casa meja ca me face murè quanne se mette sus'au balcone a stennè le rrobbe cu quedda vesta corta e totta scullàte, ca da rète sende chiamà:

DIDINO
"MbàViciiiiiiiiii, ninde ne sè tu?"

VICIINZE
Matò... Aldìne... adoè c'agghia scappà mò?
"Ahem, njinde Aldì... je le stè diceve pure  nòne  a sòrete, ma jedda ‘nzisteva... ejie putève fà a fegùre du ricchiòne?"

DIDINO
"Aee, no ffà un stuèdeche, avine cchiù vicine quanne parle cu mmè! Allore ne se ninde d'u buche indr'a mmàre?"

VICIINZE
Matò, menu màle che è pure surde!
"Come nò Aldì, u sapene tutte stu fatte. Sò le citre e le citruzze; ste chine chine a màre picce,  e quaccheduno pure a màre masce…Mò faciteme scè ca è l'orarije d'a lavatrice"

DIDINO
"Ce jè? T'ha levà a cammise?"

VICIINZE
(…è proprje surde).
"Sine Aldì ca s'ha nzevàte c'u sùghe …Cià Carmè, saluteme a fratte…Cià Peppì, e bbaste a farte le lambade ca pare nù gnure…Ciaooo"

PEPPINO
UEEEEEEE Cumma’ Carmeee … emmenumale ca’ t’e’ allestate … aaah … accomeee’? …. seeee …. Naaaa! … l’hagghije dijtte je ca’ Didine je’ chiu’ studechite de’ me’ …u’ bbuche sceve cercanne … hihihi …  A’ Paule Seste … hihihi -  … Ce’ je’ ca me’ ste’ddice mo’ Cumma’ Carmè … u’ buche abbascie au’ funne … granne granne … u’funne abbascie a’mmare … u’buuche cu’ u’ mare  … madonna meja … aaah!!  ce’ confusiona ! Mo’ je’ ... ca’ ce’ stoche annotre pijcche … cumma’,  pi’ curtesia …. spieghele bbuene le cose … ca’ ste’ pure sta’ cristiana aqqua’ … accumenze u’ descurse cu’ … sta’ frushculona... mudu’ ce’ gonfusionaaaaeee … e pippiacere ... parlate a’ une a vota!

Intanto Didino, che si era allontanato, ritorna.... cu nu gommone mijenze sckattate, attaccate a  'u trerrote e trova tutti ancora li'! tranne 'Mba' Viciinze ca  se ne ste sceve fucenne.
Penso' tra se' e se', avvicinandosi al gruppetto:
'Mba Viciinze, je' nu periode ca quanne m'encondre, spande, fa ca mo' vede 'u diaule..... bah!...

CARMELA
Madò pure mbà Viciinz a Bergam l'ha sapùte! Vabbè ca le male nùtizie sò quidde cà àrrivene àpprime!
Allora mò ve diche quidde cà sàcce....'Nquarcune vè dicenne cà stù benedette buche l'ha fatte fà a Sindachesse Di Bello, cà assieme alle cunsigliere suje, quidde de a maggioranza stavene a cazette, e ci l'aver accucchiate! A mode lore tutte cose filave lisce e tranquille, 'nzomme sapevane 'ntrallazzà e pe tande anne no sprusciave ninde e, fazze a Dje, scevene d'amore e d'accorde pò ha venute nù commissarie ca era controllà 'u bilancio de 'u comune cà nò quadrave......
A' sindachessa e l'amministratore nuèstre, sapèvan' cà le cunte nò quadravene piccè lore s'erane pigghiate tanta solde senza dà cunde a nisciune! Ormai quidde solde erano pure spicciàte, e nò le putevane manche restituì...allora à sindachessa nostra ha avute n'idea ....ha pensate buene de fà scavà nà cammera abbascie a mare, proprie sotto 'u palazze dù comune, pe scè scunnè dà jintre, tutte le cose cà s'avevn' accattate cù quidde solde. Scava, scava, a cammere nò bastava e hanne continuate a' scavà ...accussì ù buche ha diventàte tanta granne  ca a nù certe punte ha successe 'u terramote ca ha fatte crollà ù comune de Tarde.
Accòme ha crollate u' comune .... honne assute a galla tutte le magagne....e a magestreature se stè da fà à dalle à dalle..... avvise de garanzie a tutte quidde dù comune, pure alla sindachessa,  sequestre, sigille e cè chiù ne tene. chiù nè mette....Tant' è cà dopo tante nò se capisce ancora 'a drette.
Ma possibbile cà de vù nisciune sape ninde? Tott’ a città a na voce, a na voce…
Rivolta a Didino
Mbà Didì ce jiè?, e nò fà cussì mè… tu Mbà Viciinz 'u canùsce, perciò 'u sè ca è nu poco vergognose!
Lasse stà mbà Viciinze ngrazie de Djie! Quidde ni jè brutt’…è virgugnuse, mica come a te cà nò te verguègne manco cu te puèrte apprjesse quedda frusckulona, cà mò penze proprie cà nò ta lieve cchiù dà n'guèdde! Ma come te dice quedda càpa? Mà e pensate cà quedde se pò appresentà pure fine a casa toje?
E pò tu cè le dice a mugghierete!..." Quest è quedde cà sape dò stè 'u buche?".....
Pò nò te lamentà ci mugghierete te face nù buche n'bronde!

PEPPINO
Mudu' Didi' averamende,   na na' ... mo' mo' se n'ha sciute 'mba' Viciinze ... pareve ca' teneve u' diaulicchie 'ngule ... hihihi ... tene raggione Carmela ... Viciinze je' virgugnuse assaje ... hoihihi  Ha dumannate ... ma' Didino hadda turna?  sine hagghije dijtte ... sara' ca' ha sciute a' pigghija' u' giurnale de' a' moccolfiera .... d'a' ... accomecazzesechiame ... ippercopplengule ... e' capite va'!  
Guardando il gommone
Eeeeeh...  e c'hamma fa' cu' stu' trabbiccule? ... no' me' discere ca' hamma sce' abbascie a'mmare??!!
Ste' sijnde a' cumma Carmela! ... menumale ca' ste' tu' Carme' ca' si sembre 'nfurmate! ...
Didinoooo!  pure  l'elmette 'ngape n'hamma mettre ... ste' sijnde ca ha scuffulate tutte cose .... mannagghiamorte mannagghia ... e no'ss'en'avevaccorte niscijune ...
Quedda cosa avariata d'a' sinnachesse ... e' penza' ca' me' n'avevene parlate bbuene ... de'bbello ... de'bbello ... appart'u' fatte ca' de'bbello nonge ha rumaste chiu' nijnde a' Tarde ...

DIDINO
Cumma' tu me ste' ddice tutte ste' cose, a de belle, le puletechesce, a sendachesse, ma 'a frusckulone, apprime, m'aveve ditte, ca jedde m'u faceve acchia' stu' cacchie de bbuche.Vuleve sule cijnde eure.
Po' mugghiereme 'u sape ca ije ormai pe stu' bbuche, no nge stoche a ddorme a notte.
Mo, a sta' cavaddone, m'anghiane suse a 'u gommone, le diche, ce signifechesce frusckelone, fazze nu
poche l'IDIOME RETTALE  e sce' vedime inzieme addo' ste stu' bbuche mmijenze a mmare!
Rivolgendosi a Peppino
'Mba' Pe! A propo'....m'ha 'mbresta' cijnde eure?

ANGELA la dirimpettaia di Peppino
Wè Mest' Pè... mo' ce wè cu dic' tu cu sta cos' c'a Tarde non ste chiù ninde debello?
ma m' stè trminde ammè? m'è vist' bbuen bbuen?
t'agghià fà vedè u pitt? nà, nà... - t'agghià fà vedè l' cosc'? nà... nà... p' mè tu no' stè bbuen, và...
no è ca t'ha pigghiat' l'azaime? accussì m' par'... t' vè scirrann' tutte cos'... ecceccos' jè?
madò... t'è studichit' proprj'

DIDINO
Naaaa e ci è quest'otre mo?

ANGELA
Com' ci è? Nun' g' m' stè canusc'? Catà... t'è studichit' pur' tu? Ah! stam' appost' allor'...
ce v'agghia purtà au spizj' a tutte doje?

CARMELA a Didino
Matò cumbà, t'è fissate proprie cu stù buche! Mi raccomande, ci proprie t'è decise, portate le bombole cà tu nò à face cu' fiate!  Pò 'à scè cù quedd'otre appriesse e jie nò me sende sicure, piccè tu si pure nu vurpone, ma quedde n'à menate quenze!......

ANGELA
Ij' avverament' nu' buche l'agghj acchiate, avennenn' avennen'... ha trasut' u' pied san' san'... 'nu delor' ca n'u vù putit' creder' proprj'...mannagghj' va... stamm' megghj' quann' u' sinnach' ev' Cito... almeno 'nu par' d' lampadin' l'ha appzzcat' e quatt' buch' l'ha tappat'...

CARMELA
Sùle nù buche e acchiàte? Allora cummà sì furtunate, viste cà le strade pàrene fèdde de fùrmagge svizzere!
chine chine de buche granne e piccinne, tande cà quanne camine......nè scànze ùne e ne pigghje dòje.......
e ci vè cù a màchene... vè cu salve nà rote e te ne buche treje......... e quiste è 'u danne chiù piccinne cà te pò sùccèdere.

VICIINZ
Adoè ca stè sciàte cu quidde gummone shcattàte? Ce avita scè a funne, scè cchiamàte a Luvurtagghiese, ca quidde è tagghiate pe scè a funne... jidde e l'amice sue…Comungue v'u diche je, lassate stà u buche a funne, ca le megghie buche stonne aqquà suse a terre, da Genose a Itrana, da Mottola a Tarde.
Appropò, stoche nervuse ca a uagnedda de fronde a casa meja s'accattate l'asciugatoio... mò nonge spànne cchiù…le muerte sue!  

La mattina del giorno seguente commà Carmela, mentre va a casa di cumbà Peppino pensa…
Stanotte nò àgghie putute chiudere ùecchie, me girave e me vùtave e penzave sempre à mbà Catàvete cù quedd'òtre sciàmmeddate, àmmjenze a màre, de notte, cù nù gommone arrèpezzate. Ma! Speriame cà ha sciùte tutte cose buène! Stamatìne m'àgghie azàte cù' penziere,  e mò fine à quànne nò sàcce quarcheccos' nò me capacitesce. Spèriamo cà ù cumbare ha sendute a mè e a mbà Viciinz', cà tante giranne pà città ai voglia quanda buche putevene vidè!

PEPPINO
 Madooooonna madoonna ... mammameja ce' dulore alle rijne ...Totta a' nuttate suse a' stu' cazze de' gummone  e pe'cce'ccose? ... pe' nijnde ... pe' nu'bbuche fetende.
mammammammamma ....... ue' cumma' Carme' ... ma'... u'se' ca' Didine quanne se' shcaffe na' cose 'ngape ... je' tueste accome alle petre de' Martine .... miiii sora meja ... totta a' nuttate cu' u' cule all'arie ... e a' cape sotte au' gummone pe' circa' stu'bbuche ... Ca' pure tu' perooo' ... u'bbuche abbascie a'mmare ...
oramaje quidde s'ha fatte futte' pure cijnde euri da' quedda frushculona ... e u' bbuche manghe l'ha fatte avvedre ... e u' bbelle  u' se' qual'e' .... ca' le cijnde eure  ... l'hagghije  'mbristate je ...... ma' sijme propre doj' ruecchele sane sane!!
Gomungue l'hagghie dijtte a' cumma' Angelina ... ca' a Tarde no' ste' chiu' nijnde de' bbello ... e quedda no'mme crede ... M'ha fatte avvedre li' cosce e' le' menne .... sine si' hagghije turciute l'uecchie .... hagghije rumaste nu' poche studechite ... Po... Angeli'  ha ditte c a' panzeccule  faceve bbuene ... appezzecave le lambadine, arrepezzave le'bbuche ... ca' ce'sso' cazitte?  Arrepezzave a na vanne....e se' sciangave atturne ...  ca' ci' aqqua' stame 'nguaiate .... a' de'bbello ... le puliteche ... mammameja ce' casine ... no'stoca a'ccapische nijnde cchiu' ....  u'bbuche s'ascianghe .... mammamma!!!

ALDINO
Ce nuttate! mmienzze a ‘mmare, ije , ‘Mba’ Peppe e ‘a frusckulone, tutt’a notte, spierte pè stu buche, amme sciute da mare masce a mare picce, n’amme viste tutte e trentadoije le cijtre, da quidde de Bracceforte a ‘u Mastuele, da ‘u Calandreije a ‘u Capetrione, fine all’ anijedde de San Catavete, ma de stu buche manghe l’ombre.
Comungue……. mentre ‘mba Peppe, s’ aveve addurmesciute...‘u mare ere doce, ‘a lune ne vasave, ije me uardave a frusckulone, ‘a frusckulone me uardave a mme.... notte ca ere….fridde ca faceve….stritte ca stamme…..le cijnde eure l’aveve date………ce succedijeeeeeee!
Mò  ste sendeve 'a radie e agghie abbevesciute, dicevano, c' avevene acchiate nu' bbuche gruesse gruesse ...ind' u zoo...ah si si 'u buche dello zooo honne ditte! ne sapite ninde vuije?

Viciinz  (anche lui da Peppino per sapere della nottata in mare)
Naaaa, e adoè mbà Aldì? A Oria o a Fasane? Famme sapè subbete c'aveva scè cu le piccinne a vedè l'animale. Ca se nò se pò scè a Fasane, le porte ao Municipie pe vedè l'animale... chidde sì ca sò periculùse!

PEPPINO
Miiinghia a' 'Mba' Viciinzeeee! ca' ce' ddice ca' tu a' discere ca' 'Mba' Didine je' tueste de' recchie e nonge sende? ... e tu? Ce' 'ngendre mo' Fasane e Orie ...je nonge u' sacce addo' je' ca' ste' a frabbeche ... de' .... l'ORZORO ...  sine si' e' capite bbuene ORZONO !
Pure je hagghije 'ndise ca' ste' u'bbuche, ca' nonge putime respera' cchiu', ca'; se' ste' squagghije u' ghiacce eppre .... hagghije tremendute jndre au' freggede' ... e stavene tutte le cubbette de' ghiaccije .... tutte fatte e cumboste ... mah ....

Arriva anche la bella fruskulona, stivali punta sfilata e tacchi a spillo e camicetta intrigante, aveva fatto colpo sul più giovane dei due. Cataldo detto Didino l'aveva accontentata, dandole ogni sorta di spiegazione riguardo l'idioma dialettale da loro utilizzato. La ragazza, di origini tarantine, aveva studiato fuori e non aveva avuto modo di approfondire il significato di alcuni termini della propria parlata che usava pochissimo e che capiva a stento. Dopo una notte passata su un gommone con Peppe e con Didino ( ma più con Didino in verità), si apprestava a lasciarlo e ad affrontare la dura giornata che l'attendeva*
Ciao caro –
disse la fruskula salutando il compagno d'avventure –
"Ho trascorso una bella nottata e ho imparato tante cose. Adesso conosco il significato di spierte , cijtre  , fruskulona e tanti altri. La mia ricerca ne guadagnerà e il mio professore sarà sbalordito –
disse riabbottonando con fare suadente la camicetta e ravviando i capelli ormai sciolti –
 Posso chiamarti ancora se dovessi mai avere bisogno del tuo aiuto?"
disse ammiccando e scoprendo le gambe mentre rientrava in macchina dopo la sosta che era stata molto più lunga e interessante di quanto avrebbe mai potuto immaginare

PEPPINO
Mo' 'Mba' Didino ... dimme na' cose  accitte accitte …quanne m'agghije stennute nu' poche suse au' revale d'u' gummone .... no'sse', ... ggiuste cu' m'andrezze nu' pijcche l'osse ... ste' sendeve ca tu' e a' frushculona ste chiacchierevate accitte accitte ..... po' nonge hagghije 'ndise chiu' nijnde ...
ma di' Didi .... hihihi ... hihihi ... u'bbuche ... hihihi ... sine me' ... da'da'dAAAh ... accittecitte .... hihihi .... uuuu'bbuche ... te' l'ha fatte avvede' ....

DIDINO
Mba' Pe! accitte accitte! 'u bbuche me l'ha fatte vede' bbuene bbuene e m'ha dditte pure ca quanne ije u vuleve vede' n'otra vote, basta ca le dave n'otra cijnde eure. Pe'! pero' secondo me, no ijere quidde 'u buche ca decevene a televisione, picce' eve gruesse si, ma no come dicevene lore! Secondo me è 'u buche ca decevene è quidde dello zoo...o dell'orzoro come dice tu?
'Mba' Pe'! ma 'u buche dell'orzoro signifechesce ca l'orzore se scuagghije apprime ca u mitte ind'u latte?

PEPPINO
Ma' ce'ne'sacce je  au' frate tue Aqqua' cu' stu'bbuche jndra'll'orzoro  dicene ca' n'hame 'nquenate tutte ...Ma' je u' ste'ssapeve ... l'aveve senduite addiscere pure da chidde dda' ... come se chiamene ... mamma ce' cape ca' tenghe .... chijjjjjddeee ....  Pietre e Jangela, chijdde ca' fanne a' televisione ... come se' chiame ... AH ... SUPEQQUACCHE!! Ca' po' nonge hagghije capite  a' sta' televisiona  se ved sembre nu' mascule ca' parle  e quidde je Pietre, l'hame capite... ma' po' ess're ca' Jangela nonge ha putime avvedre?
Approposete Didi' ... hihihihi ... eeeee ...hihihi accome jeve u'bbuche d'a' frushculona ... hihihi
mena me'! ... a'mme' m'u'pue' discere ... mena Didi' ... hihihi mena   ....   

Intanto si avvicina il nipotino di Didino
Zio Diiiiiiiiiiiiiinooooooooo…Vì ca t’hagghj’ vist’ sé…stamatin’ cu quedda femmena, ca stè assiv’ da u’ gommon’. Dimm’ ci è …ca c’ no u’ voche a dic’ a mugghjert’, sin sì, a zia Palmina a sor’ di mia madre, t’à recuerd? Invece, c’ m’ dic’ ci è, m’ dè nu poc’ de sold’ e m’ dè pur’ u’ numer’ del cellulare… m’ stoc’ citt’
 il silenzio si paga sempre…Cià zio Didiiiiiinooooo….   

DIDINO
Ce vve acchianne principi'? le solde? 'u gellulare? Zia Palmine? avine avine ca t'ha nzegne ije a duccazziona!
Ma vide nu picche a stu' figghije de cijnde attane, dope ca l'agghie cresciute a pane mastecate e a llatte d'acijedde, l'agghie vattesciate... ce starnutive...bona sorte, ce faceve le famazze...crisce sande,  ce ruttelesciave...miele zucchere e cannelle, e mmo'?
A propo' principine d'a zazizze, ma tu quanne m'he viste cu' 'a cavaddona, no aviva sta' a scole?
Mene mo' vvide ce sparisce da 'nnanze alle uecchije mije ce no te fazze recurda' 'u ggiurne ca è nate!
Rivolto a Peppino per canzonarlo
....Na na Peppine ste.
'Mba' Peppine ammature! (sottovoce) (l'acque d'u mare te sbatte 'ngule),
Comungue Pe'! stu' bbuche angore no l'hamme truate!...ma (avvicinandosi) ... quidde d'a frusckelone Pe'...... ere nu baba'! (sospirando)....le femmene so pece d'u diaule, trattene l'ome come a nu caule.

NIPOTE
Ce jè mo' zio Diiiinooooo... a l' rcatt' amm' arrvat'?
Sì aver'a sta 'a scol'.. embè? amm' fatt' sciopr'... ce sacc'...onn' ditt' c'avemm' affà sciopero pu' dissest' du comun'... dic' ca stè nu' buc' grann' quand' la foresta delle Amazzoni...wè zizì... ma ce è sta foresta delle Amazzoni? u' sè tu?

PEPPINO
Siine Didi' ... eee ...  dimme di' ... profumave .... u'babba' ... hihihihi
Ueee ... ue'! ue'!  Picci' ... e'novvevvinne le lupine a'nnotravanne!! Te'n'ha sce' picci'!  ... miiinghje au' criature ....E' fatte sciopere alla scola ... appo' ... emmo' nonge rombere u'sazizze .... va' sciueche me' ... va' sciueche ... ca' aqqua' ste' parlame de' fatte'ssenziale ...
U' desserte ijndre au' cummune .... u'bbuche d'a' foreste delle mazzele .... ma' vijde nu' picche aqquiste ....
(poi avvicinandosi all'orecchio di Didino gli chiede)
Appropo' Didino ... me' sape ca' je' n'otra cose ... u' fatte d'u'bbuche .... mah .... e' no'vvide ca' nonge ste' niscijune ca' ne' de' na' 'nformazZione ....

CARMELA
Màmma meje! Ma quiste nò le pozze lassà nù picche da sùle ca sùbbete azzeccane a discere chiacchiere!
Beh! Uagnù vidìte  de stà cchiù attinde, ca quanne se dè na nutizie 'bbisògne essere precìse!
Ma è proprie vere ca vuje maschele, basta che sendìte à parola "BUCHE" e subbete perdite a' cape!
Mò jie pozze capì ca nò àvite fatte le scole irte, ma sàcce pure ca sapite leggere, scrivere e fà le cùnte......jè proprie cà à frusckulone và fatte studechì!
Allora, sinditeme sana, cà vi spieghe comme stonne le cose.....
L'orzoro c'ù buche nò cendre proprie ninde! E ci vuje stateve cchiù attinde alle cose cà dice a' televisione....
A' trasmissione di Piero Angela è nù belle programme e si chiame QUARQ, piccè stè sempre Quarchedune cà sape nù sacche de cose, e le spieghe.
U' buche cà hanne ditte a quedda trasmissione è u' buche dell'OZONO cioè u' buche cà stè 'n cielo......all'arie và. Stù buche nò l'ha fatte a sindachessa de Tarde, ma s'ha fatte pe' l'inquinamente de tutte le fabbriche come à 'u siderurgeche, cù tutte quidde ciminiere cà spùtene fuèche......Avìte capìte mò!
Rivolgendosi a Didino
Aldù me raccumànne, non è cà mò te mitte n'cape de scè fà nù viàggie inde u'spazie, pè vedè de truà u' buche!?!  Me raccumanne à tè, uècchie alle robbe cu quedda frusckulone cà te puerte apprìsse mò!
 
ANGELA
Cummà Carmè... mnumale ca t'agghj' acchiat'...T'aver' addumannà na' cos'...
aqquà tutt' stonn' a parln' d' nu' buc'... no ' è ca è quidd'... sin' quidd'... addà... u vid'? ind'a u' mur'...
sì... aier' ser' agghj' vist' 'na zoccola tant' ca s'ha schcaffat' addà indre...madonna mea ce schchif'
tanda ev', u' vì... esaGGerata proprj'...

DIDINO
Hagghie pigghiate ‘u gellulare d’a frusckelone, ma none ‘u nummere, seeeeeeee, m’agghie pigghiate proprie ‘u gellulare, ma mica l’agghie arrubbate? Na mannagghie d’a sambdorie! Iedde, di persona  personalmente, mendre ste faresciamme, m’ha ditte: Didino mio ti lascio il mio cellulare e ije, a mezza parole, viste ca l’aveve date cijnde eure, me l’agghie mise ‘mbote.
A propo’ proprie osce, c’u cellulare da frusckele, hagghie telefonate alla VINDE…. come se chiame… L’INFOSTRAGE…..pe fa nu reclame. Citte citte! Sindeme sane! M’ha resposte G E S S I CA….face…
<buongiorno sono Gessica>… - fa ca mo’ ne canuscemme da na vite….e me dice, cu na voce de viuline - desidera? - Cumba’ ije m’agghie sentute tutte presciate e hagghie ditte in tagliano:
<buonadia sono didino da tarando, tegno un problemo, in certe zone, alla salinella  e al quartiero, il cellulario non pigghia! com’e questo fatto?>
< Signor Didino, probabilmente in quelle zone c’è un buco!
<NU BBUCHEEEE? Agghie spandate -  allora pure lei sapeto del buco?>
<Si signor Didino, altre persone del posto, ci hanno segnalato questo disservizio>.
<naaaaaaaa e ditemi…gessica…dove si trove esattamente il buco?>
<Specialmente nelle zone periferiche della citta’>
<ma vedeto gessica ca io ho stato al quartiero ma il buco non l’ho trovato>
<Ma signor Didino, il buco c’è ma non si vede>.
<naaaaaa scosate com’e’ che non si vede?>
<Ma è nello spazio signor Didino>.
<nello spazio? scosate gessica, ma voi canoscete a commare carmela?>
<No signor Didino, non ho il piacere. Grazie per averci contattato> e…. m’ha sbattute ‘u telefone ‘mbacce…..abbuene abbuene.
Allore,  mo’ sapime ca ‘u buche ste’ in gielo, suse a salenelle o suse o quartiere e quindi teneve rascione a Cummaredda ca pe colpe d’u sidellurgeche no se sentene le gellulare.
Mannagghie ‘a morte….a qqua’ stonne buche a tutte vanne….’u buche d’a sindachesse, ‘u buche d’u sidellurgeche, ‘u buche de le cijtre, ‘u buche dell’orzore, ‘u buche d’u gellulare, ‘u buche d’a fruskelona…. A facce d’u caserecotte……e ce stame in svizzere cu tanta buche? Mah!

CARMELA
Cumbà Didì, nò te svegli nù picca! Ca sempre a nà vànne pinz'?
Si vede cà GESSICA è nà uàgnedda appòst', perciò t'ha chiuse 'u telèfono  'mbàcce. Quedde ha 'micciate subbete cà tu nò stè capive nàmazza de quidde cà te ste discève, e siccome a ùagnedde stè fatjave......., mica scève sciùcanne come a te......... ha fatte 'buene a chiudere 'u telefono!
U' buche de GESSICA è nòtre tipe de buche, quidde è "U' BUCHE DELL'ETERE" ca stè proprie 'dò nò pigghie 'u cellulare!  quella che in taliano viene chiamata "assenza di campo".
Ma tutte cose t'agghia dicere? Vì ci te sfuerze picca pìcche sè. Cumbà Didì, Gessica è troppe precise p'tè.....
ma c'è te crìde cà GESSICA stè parlave du campe de calcio dò sè sciòche a pallone?
A' ùagnedde stè parlave dù campe magnètiche.....nò sè cà l' telefonine funzionene cù l'onde magnetiche.....allora, quanne l'onde nò 'nge stònne ù telefonine nò funzione...... e capite mò?

DIDINO
E tu Carme'.... com'è assenza di cambo... a me! proprie a mme? ca 'u Tarande m'u voche 'a vvede ogne sanda dumeneche? E po' ce GESSICA tene 'u bbuche cull'etere ce ste 'u risckije ca ce quarchedune s'ha 'nghiane, mentre ste fface .....zum zum....s'addormente suse a jedde?
E ce je a' mugghiere de Diabolic? quedda vacande, come se chiame? E' VACANDE ca mette 'u sonnifere a tutte quande? eheheheheeh agghie fatte pure a rime....dalle mo' Pe'..fa' a battute mo!

CARMELA
 Vide cà GESSICa nò tene 'u buche cull'etere pe 'dùrmescere le cristiane, come te cride tu.
Quedde à ùagnedde, si vede c'à capite che tu ste fascive 'u pruvulone all'use tuje e t'ha ditte cà jedde è etere........ cioè cà sà fasce sule cù le maschele aggarbate....... e capìte?  Mìca come a' frusckulona tojie cà s'à fasce cù tutte! Te l'àgghie ditte jie cà GESSICA è nà ùagnedde àpposte.
'LLevete ogne fantasje p'à cape cà A QUEDDA SCIAMMERECHE NO' N'APPINNE FUSE!

Intanto s’è fatta sera, i compari si salutano e ritornano a casa. Peppino resta solo e cade in una fase di riflessione con una sorta di monologo
 … je oramaje tenghe l’anne mie … e ci’ l’aveva’ddicere  ca’ a’ vicchiaje aveva a’sta a’ cumbattre cu’ u’bbuche …  Ce’ penze bbuene je’ na’ vita ca’ cumbatte cu’ u’bbuche… jeve piccijnne e no’nne sapeve nijnde… da’ giuvinotte e ci’ l’aveve viste maje … m’hagghije spusate e  quedda sanda de’ mugghijereme accome a’ tuccave  rumaneve ‘mbrignate, sine si’ ‘mbrignate … accome se’ dice … ‘nginde,  po’ u’ Padeterne sel’ha’ chiamate apprijsse … e hagghije finite propre ….
Mo’ stonne nu’ casine de’bbuche ca’ nonge ne’stoche a’ capische chiu’ nijnde … bu’bbuche au’ cumune … nu’bbuche abbascie ammare … n’ote bbuche ‘ngiele … n’otre bbuche … addo’ ha dijtte Carmela … ijndre all’etera… niscijune ve’ chiu’ au’ cambe … tutte asseende ….  ma addo’ hama sce’ spijccia’ ….Je me’ penzave ca’ l’uneche bbuche ca’ aveva tene’ a’cceffa’ jevene  le’bbuche jndre alle cazitte e alle mutande …. sine … magare quacche bbuche au’ cazone … ca’ quedda sanda femmena de’ Carmela m’arrepezze …e . me’ prepare pure ‘nquarcheccose da’ mangià…Menumale ca’ m’avene a’ trove ognettande quedda uagnedde …  me’ tene cumbagnie a’ menzadie … quanne jesse d’a’ fatije … quanne e’ ca’ po’ tene u’ riendre…Miiii … ahahah… Jangiulina, quedda puv’redde, s’ha spandate quanne ha viste quijdde shciorge ca’ s’ha shcaffate ijndre au’ pertuse … ahahah … ce’sso’’ le femene … se’ spandene pe’ nijnde ….
Didine  me’ conde tutte le’ fatte ca’ le succedene … osce  m’ha cundate u’ fatte de’ giessica au’ telefone … je me’ penzave ca’ jere quedda delle gelate … giessica gielate … … m’hagghije fatte vecchije e a’ vereta’ je’ ca’ hagghije studechite nu’ poche,da’ quanne  hagghije rumaste sule, sti’ giuvene so’ a’ famiglia meja … ce’ hagghija’ffa’… ca’ ce’ tenghe nu’ figghije a’ Melane,l’otre ste’ ‘mbarcate, u’ chiu’ piccijnne ste’ a’ Neviorke, menumale ca’ state vuje!
Poi come sempre per gli anziani, si ricade nei soliti pensieri
Ah!  approposete accom’erene bbuene osce le chiancaredde ca’ ma’ date quedda bbella uagnedda de’ Carmela adda’ sine ca’ ste’ da’ farla na’ statue …Stasere me’ fazze doje freselle cu’ u’ pummedore …. E’ passe a’ paure…miiii … e’ viste … e’ppo’ dicene ca’ hagghije studechite … e’ ‘nvece no’!  mo’  no’mmagghia scurda’ de’ sce’ a’ppigghija’ le fasule ca’ po’ l’hagghija mmetre a’bbagne pe’ creje … creje je’ sabbate …  tubbettine cu’lle fasule …..

DIDINO  - ancora in giro – scherzando
 Ce je' Mba' Pe'? ce ste rusce sotte pe sotte...'u buche, 'a fresella, le fasule, ca dice ca si vecchie...embe' u se ca a vite accussi' je: se nasce da nu buche, se campe pe nu buche e (sorridendo) ind'a nu bbuche te prochene, eheheheh! Comunque Mba' Pe', u seje ca nu sime a famiglia toije, pero' na fa nu favore granne granne! Ce favore? statte scuscetate! no je' ninde.....na fa nu favore, no t'ha spicce cu ste fasuleeeeeee, 'u se come se dice a Tarde Nuestre: Mange fasule....e spare da 'nguleeeeeeeeeeee, eheheheheheheeh!
No 'tta pigghia', stoch' a scherze... sinde sinde,
quidde scungegnjate d'u fighhije mije, ha vulute accatta' nu gombiuter cu XP (ma ije stu Xp l'agghie sentute gia') picce' ha ditte ca s'aveva collega' alla rete.  L'agghie ditte: Vurpe a luciane! mo' ce vole 'u gombiuter pe ffa' u pescatore? M'ha resposte!Papa' la rete internet, proprije d'ajere si'..... Papa'! Gomungue, s'ha collegate a sta rezze, e ha cumenzate, ijdde dice, a navegare, bah, (ma come cazze face a navegare azzettate a na segge).  A nu certe punde 'u gombiuter s'ha bloccate, accome a nu ciucce martenese, no' sceve ne' nnanze ne' rrete. Tenemme angore a garanzzie, ha venute 'u criature ca' aggiuste le nasse....cioe' le rete e n'ha dditte, tueste tueste, queste testicole parole: MI DISPIACE, MA C'E' UN BUCO NELLA RETE! SI CHIAMA MILLENIUM BUG!
Frate mije, me ste' sendeve male, agghije ditte, me stoche a sende maleeeeeee, purtateme 'o GAMBERE PURE A QQUA' STE 'U BBUCHE MOOOOOOOO? 'Mba' Pe' me ste ddave cu' a cape 'mbacce o mure......
Bonanotte và…e penz’à campà!

PEPPINO
Calme fijgghie mie … statte calme ….. aspijtte nu’ poche …No’ t’a’ pigghija’ cu’ Carmela picce’ mo’ u’ fatte ste addevenne chiu’ cumblecate …Ma ce’ ste’ succede ijndre a’ stu’ munne … Calme … calme … E statte bbuene Didinoooo!! … mo’ pure u’ mure hamma shcuascia’!! …
Cijtte nu’ picche … famme penza’ ci ste’ na’ soluzZione … aqqua’ … u’bbuche se’ scianghe … e pure troppe … troppe bbuche… mo’ pure stu’ millegnumm bugghe … aqqua’ cu’ ste parole  … frangise … no’nne’ volene fa’ accapi’ nijnde … seee ma’ lore se’ penzene ca’ sime stuedeche …
Allore … accumenzame arrete … tu’ accatte u’ … cose … u’cose … accomecazzesechiame .. u’gombuterr … au’ uagnone … ca’ pero’ adda essre attaccate a’ na rezza … ci’no’ nonge’ pote navegare … …. navegare … cu’ u’ gombuterr … - battendosi le mani sulle ginocchia -   … ma’addo’cazze ame arrevate!!!
Ca’ no’ le putive pigghija’ nu’ shsckife pe’ navegare … opuramente u’ putive manna’ suse a’ na paranze .. u’ se’ quande amicie tenghe piscature …U’ gombuterr  … cu’ a’ rezza … cu’ u’ buche ….  pure …
Sciamene me’ … demane avinite cu’mme’ ca’ sce’ parlame cu’ n’amiche mie piscatore …
Je’ une spierte assaie … e ci’ sape ci’ l’ha ‘ngappate ‘nquacchevvote a’ ijdde  jndre alle rezze … stu’ pisce strane … accom’e’ dijtte ca se’ chiame …. ah … sine si’ …..
U’ MILLEGNON BUGGHE … ….  U” MILLEGNUM BUGGH” … PEPPINO

La mattina seguente arriva Mimino, un nipote di Peppino emigrato a Milano quando aveva 18 anni… pensa tra se se e se.
.. Ahhh... ste arr'vame a Tarde cu l'espress c'a partit' da Milan' aier' pumerigg' alle cing' e finalmend' dop' quattordicior' de viagge mminz a tutt' ste migrand' ama arrivate a Tard' nuestr' ahh! ce bell fizz' d'u siderurg'c ca s'ammisc'c c'u'prufum'du mare nuestr'.
Ahh!!! mo agghia parlà bbuene ca cenò dic'n ca so cafon'.... (e mentre mbàMimino scende dalla scaletta del treno....) ...Maria! (alla moglie) -  Francesco! Michele! Caterina! Filippo! Nicolino!.. (ai figli).. ci siete tutti nee! predente le valiggie che siamo arrivati nella città dove mamma e papà sono nati. Siete contenti neee? (risparmiamo i mugugni di tutti e cinque i figli che tutti gli anni sono costretti a seguire i genitori a Taranto anche se loro preferirebbero rimanere con i loro a amici a Cologno Pugliese...ehmm Cologno Monzese).
Apposto! ci siamo tutti nee? Io scendo per primo... naaa!!! son venuto de Milan fin chi e agghie mise u' piede sus a nu struz!!! .... e ce ste spettave giust'amme stu cose?... vabbè Maria!...Francesco! Michele! Caterina! Filippo! Nicolino!...statevi attenti che abbascio alle scaline del treno ste nu strunz'de merd'ancora vi sporcate le scarpe...Na na!!! ste zio Peppino addà bascie nfond'. Ha venut' c'u furgone da fatia pe ne purtà a tutte quand' fino a casa d'a nonna ca n'ospit' pe le fest' d' Natale.
Rivolgendosi a zio Peppino  Ahh! Peppì quann'è bell quann' aveng' a Tard... men'... mo m'ha raccundà tutte cose .... ce se dice ... ce se dice... So vive angore quidde e doie' malaziunist' de Didine e Viciinze?  je na vite ca nung' le vede e nunge le send'.... qualche giurn' l'agghia sce a 'cchià... me me … ste dicive de tarde...

 PEPPINO
 naaaa!!! ninde se? nunge le vide le telegiurnale?...

MIMINO
nooo... ninde sacce...c'ha success?

PEPPINO
 citte...citte...no me fa parlà... onne acchiate nu buche a Tarde...

MIMINO
ehhh!!! vabbè ste chine de buche tarde... ce tene stu buche ca ste face sta muina?

PEPPINO
pe dicere a verità ... nonge l'agghie capite buene mangh'ie ste ci dice ca je u buche d'a sindachessa, ste ci dice ca je nu buche ind'a mare, ste ci dice ca je u buche dell'ozzono, ste pure ci dice ca ete u buche nell'etere .... ma ce cazz' de buche ete angora nunge l'agghie capite...

MIMINO
Peppì e tu si proprie gnurand' come na zucchina.... l'aveve ditte ie a mammà ca tu aveva a cundinuà le scole ma tu nind!!... gnurand t'agghie lassate e gnurand t'agghie acchiate... Quidde sicuramente adda essere nu buche de quarche palazzinare c'a sciute a fondo assaje c'u scav' e ave acchiate qualche cosa d'a maggna grecia e mo tutte stonne a fanne casine pe stu cazz' de buche e p' do coppette c'anne acchiate...

PEPPINO
none... Mimì no ie nu scave secondo me addà esse qualche cosa de chiù 'mburtand...
vabbè am' capite, m'è fatte scazz'cà a curiosità... mo agghia pruvà a cercà subbete subbete a Didino o a Viciinze,  ca loro so do petteddare... sapene semb' tutte cose...

Mimino va a casa di Didino – citofona
Siii! Casa Didino?... si sono Mimino l'amico di papà...sta a casa?... me lo passi?...
…uèèè Didììì quand' timb'...agghie arrivate stamatina a Tard' e frateme me ste cundave de nu buche... ma quidd je stuedc' e nunge capisce nind... tu ne se nind?

DIDINO
Naaaaaaaaa Mimino...butte de sanghe amare....ce ffine è fatte? Tutte a ppo'? 'U ste prueve?.....e totta  a scamunera toije? mugghierete e le figghije tue?...Appo'!
Ce vvue' ccu sse? d'u bbuche a Tarde?...na na ma tu no fatije cu' le rezze...cu le rete internetto? Beh  proprije a tte sceve cercanne......gomungue dumane matine ne vedime ind'a chiazze cu' Mba' Peppe, Cumma' Carmele, Jangela, cu 'a Fruskelone, quidde sbrevugnate de 'Mba' Viciinze, ce sape ce passe pure Maurizzie...e speriame ca no s'appresende quidde rumpapalle d'u principine d'a zazizze.......nepoteme.

Intanto si avviano verso casa di Peppino
MIMINO
Uèè Peppì... scuseme u fra' no t'aver' viste... e si, ca si belle com'au sole ma so ie ca cu a vecchiaia nunge tremind' chiù bbuen... Si si tutt'apposto aqquà... a famiggha ste buone.... mugghiere me ste semb' nguedd ca dice ca je gelosa... ma dic'ie dopo tand'anne addò agghia sce cchiù??? Ame mise u' lucchetto ca l'amice mie dopo c'ha nate Nicolino m'averene date u soprannome INSEMINETOR ... mannagghia all'an'me lore....
Mo ce je stu fatte d'u millegnum bagghe... agghie sciute a dumannà a figghieme ma quidde scustumate m'ha risposte ....papà lascia perdere sei giurassico non puoi capire.... Ie nonge pozz' capì??? ma vide tu a quidd... figghie de mammaggiusta...

Mentre Didino e Mimino sono sul balcone, Peppino apre a Carmela che è arrivata col caffè
CARMELA
Bongiorne mbà Pè!  

PEPPINO
Cia’ Carme’ … buongiorne! Grazzie figghija meja ca’ m’e’ purtate u’ cafe’ … tijne sembre u’ penziere pe’ stu’ povere vicchiarijdde ca’ a’ rumaste sule …. Mammameja ce’ sciurnate ajere … quande casine de’ cose honne successe … Didine ha accattate u’ gombiuterr au’ piccijnne .. eee, e’, e’ … dillu tu’ a' quijdde ca' nonge pote naveca’ cu’ u gombuterr ….Manghe Runzine u’ piscatore ne’ sapeve nijnde d’u’ fatte … n’ha ditte … <‘mba’ Peppine … ce’ me parle de’ rezze bbucate … evvabbo’ .. te’ pozze addiscere ‘nquaccheccose,  … parlame de’ traule, vope e naccarijdde … e stame apposte … ma’ stu’ cazze de’ pisce …. accome se chiame …. u’ minnegne bull … u’ mignette bucc’ … oooo ….. ce’ v’hagghija dicere … nonne sacce nijnde …> ha’ dijtte c’a adda essere na’ specia trupecale … ca’ avene dall’aqqua cavete … dall’Afreca … mah …
Dall’Afreca … e cu’ ce’ccose ha arrevate .. cu’ a’ nave  o’ cull’aerio … ??
Poi passando da un’argomento all’altro come fanno i vecchi
A’pproposete d’aerio, ajeresere  m’ha telefunate nepoteme … sine .. nepoteme Silvio … u’ figghije de’ soreme Annarella, .. nosse’ quidde bbelle uagnone ca’ ste’ a’ Melane … eee, e’, e’, … ce’ brave figghije ca’ je’ quidde nepote mie …Pienze ca’ me telefune minime minime doje vote allu mese … tene sembre u’ penziere pe’ me’ … ca’ sape ca’ stoche sule … e quanne so’ le fijste cumannate m’avene a’ jacchie sembre, ... s’avene a’ ste’ cu’ me’ …. je propre nu’bbelle uagnone …eeee, ... ca’ quidde nosse’ ca’ fatije a Melane … face u’ lettriciste … je’ propre na’ cosa ‘mbortande … porte a’ luce a’ case delle cristiane … gomungue …
Ha ‘ndise ca’ stave nu’ poche vudecate … ee sine … se’n’ha accurgiute da’ a’ voce … e m’a dumannate .. <u’zzi’  … ma’ ce’sso’ ca’ tijne … te’ stoca’ssende preoccupate … dimme a’mme’ ce’je’ u’fatte ….>
E je l’hagghije cundate tutte cose, … ma propre tutte … ca’ Didine sceve spijrte p’u’bbuche, … ca’ u’ giurnale parlave d’u’ dessente, …  ca’ ha scuffulate u’ cumune, … ca’ stame chine del zoccole, … ca’ au’ cambe so’ tutte assende … e stu’bbuche ca' se’ ste scianghe sembe de’cchiu’ …pu’ fa’ ridere nu’ poche l’hagghije cundate u’ fatte ca’ Didine ha parlate cu’ Giessica delle gielate … ca’ ci no’ quidde se’ ste’ preoccupave assaje, … ma propre assaje assaje …Gomungue m’ha dijtte … <no’tte’ ‘ngareca’ de’ nijnde u’zzie,  tu ha sta’ scuscetate de’ tutte cose, … cre’ammatine avenghe a Tarde e m’avenghe a’ stoche nu’ picche cu’ te’ …>
Je hagghije dijtte .. none Silvio, mo’ no’tte mettre penziere,  mo’ totta quedda strada hadda fare … ca’ ce’ avesse sapute scinnijve cu’ Memine ca’ ha’rrevate ggiuste giuste osce …
M’ha dijtte <none u’ zi’ … je pigghije l’aerio … ijndre a’ n’ora stoche all’arioporte,  … e quanne manghe e te’ crijde stoche a’ Tarde … tu’, .. peppiacere u’ zi’, … avvise a’ Didine … ce’ me’ po’ vene’ a’ppigghija cu’ u’trerrote d’all’arioporte alle Vurtagghie …> Propre nu’bbelle uagnone je quidde nepote mije … ha dijtte ca’ mo’ ca’ avene n’hadda spieca’ totte cose ijdde … je’ troppe ‘ndelliggiende … ha pigghijate d’a’ razze …  ... a’ razza meja .. ce’ e’ capite! …

CARMELA
Com’è  cumbà Didìne, s’ha cattate u' combuter cù XP p' figghiete, e quanne ha sciùte pe navigà cu ETERNIT s'ha bloccate piccè tene pure 'u millennium bugghe...dille cu se move e porte u combuter a ci l'ha vennute, cà me dispiace c'u' diche, ma st'avota l'anne proprie mbrùsate. P' prima cosa, l'anne r'filate nu combuter vecchie...quidde nueve nò tènene 'cchiù XP, quidde è vecchie e ormai è superate!, le nueve mò tènene "VISTA" 'cussì se pò navigà ancore cchiù veloce! Pò m'è ditte cà u' combuter se ferme piccè tene u' millennium bugghe...ma vìde cà quidde ere nù virus, come nà màlatie và, cà tenevene le combuter de cinq' sei anne fà...Ci u' combuter stè cussì 'nguaiàte, nò ve pùtite proprie collegà cù ETERNIT p' navigà.
Rivolta a Didino
Mò òzete e portale indietre a ci te l'ha vennùte e vide cù t'u fasce cangià. Ma fà subbete, cà osce è sabbat' e certe negozie aprene sùle menza sciùrnate.
Poi vede Mimino
Madò mbà Mimì scusame tànde ci ancora no t'àgghie salutate, ma no vì c'è stè cumbine mbà Didì...... jie pò me preoccupe, e me tocca cù le voche rèt'p'ret' s' nò và vì c'è cumbìn mo' cà s'ha fissate cu 'u buche!
Beh! tu cè mi dice ..... a famiglie tutte appò, le piccinne crèscene?   Assa fà 'u Signore!
Sò cuntente cà è scinnute, almen' ve repusate nù picche, scenò fatije e fatije.....
mò però ste giùrne ca avite stà quà, assite nu poche e viste cà ù tiembe è belle, sciàte a mare , almen pè fa respirà nù poche de iodio alle pìccinne.
Bè, chiù tarde ne vidime, cà mò agghie scappà a fà a spesa se nò cchiù tarde acchie nà confusione cà ' 'a metà bast'!

Carmela torna dopo un paio d’ore,  ansiosa di raccontare a Peppino quanto gli è successo

Come v'agghie ditte cumbà, agghie sciù fatte à spesa. Passanne d' n'edicola àgghie lette nù manifest':
NUOVO CORSO DI INGLESE IN DVD - 24 ore full immenso
Allora àgghie pensate: "nà cè bella cosa....... quase quase me l'àccatte, cussì àpprufitte cà stoche a casa òsce e crè, fazze stu' corse full immenso, cà tenghe pure u' tiempe de ripassà...... e lunedì torne alla fatije tott' aggiornata!" - Inzomm'  me l'agghie àccattate!
Appena turnate a case, m'era vedè u' DVD pe vedè di c'è 'robba se trattave. M'agghie mìse comoda sù 'a poltrone, c'ù telecomande 'mane, appizzeche e leggo:  LESSON ONE  ... pò esse nù professore bello, giovane e distinto che si presenta e dice che lui è " di madre lingua" ma jie pènse cà pure a ìttane a tà essere nu 'nglese piccè idde è proprie nù lord, à bombette le manche pi essere perfette! Quiste azzecche a lezione, pigghie nù libbre 'mmane e dice: DIS IS U BUC'...
Pò mette ù libbre sùse nù tavuline e dice: D' BUC IS ON DE TAVL'  …
Nù libbre èt' u' buche?  E u buche stè sù 'a tavulin? Ma ninde, ninde cà pure quiste è fissate c'ù buche?
Pure l' nglìse sapene dù buche? - Allora stu' buche ha d'ventat' proprie nà persecuzione, avene raggione le cumbàre.  Mò no stoche capische ninde manche jie!  Agghie stùdate a televisione jastemanne 'ù corse de 'nglese, ci l'ha fatte e pure a mè ca me l'agghie àccattate.

PEPPINO
E je u’ sapeve  ca’ tu’ quanne te’ mijtte a’ffa le cose cumblecate … Ce’ je’ mo’ stu divuddi’ full’imensio … pe’ ce’ccose ... pu’’nglese …. te’l’hagghije dijtte uagne’ … ca’ chijste ne’ volene fa’ fesse a’ nuje, na vote cu’ u’ frangese ... e mo’ cu’u’nglese …E’ viste ca’ mo’ se’ ste’bbuche totte cose …  mo' nu’bbuche suse au’ tavuline Quiste … je’ nu’ virussss …. je’ accome a’ freva ggialla … se’ ste’ ‘nfette totte cose … a’ fine ...  n’hamma tutte chijne de’ bbuche … a’ttotte vanne!
E’ fatte bbuene ca’ e’ stutate tutte cose, … peccate ca’e’ spise totte chidde turnise pe’ stu’ divudddi’ne …  …  mo’ ce nonge s’u’pigghije andrete u’ giurnalaie … sindeme a’ me’  figghija meia …. scijttele ijndre alla munnezza … e statte accorte cu’ no’sse bbuche pure a’ sacchetta ….
Ce’ Carme’ … a’ rumane’ cu’mme’ a’ mangia’ ste fasule ca’ ste’ cucine? …. madonnameja, … figghija meia … ce’ addore …. s’ha ‘mbrofumate totta a’ casa …. ce’bbellezza …. accome cucine bbelle sta' piccenna ...

CARMELA
Sìne cumbà, mangiame assième - anzi c'è dice viste cà Mbà Didì ancore no 'se face vive - 'nvitame pure a jdde? Mò pe seconde fazze do cozze fritte cu a pastell' cussì ne 'lluame 'u spiule de le pettel'.

Intanto Mimino di passaggio entra a salutare Peppino  
Uè cummà Carmè ce piacer' ... je semb' na gioia quanne ve vede tutt'assieme.
mo ce je stu fatte d'u bucc su au'tav'le? ste prise d'nglise ne volene avveramend' futtè.... tene proprie raggione mbàPeppin'... n'ama sta attind attind... c'aqqà accome te vote te futten'.
mbà Peppì... pure tu cu ste fasule ca t'honne prufumate totta casa... m'è fatte avenè nu desiderio... mo l'agghia ddicere a mammà cu me le prepare p'scrè... ca pe cre ne ste prepare le ghianghiaredde c'u suge de le polpette...e le cozze arraganat'...me vabbè... peccat' ca stamatine nonge'ha venut' pure mbàDidine... u vuleve proprie avvrazzà... ma se vede tene ceffà...Quidde cu a fruskulona e GESSICA me sape ca se n'ha sciute all'acite...me!... mo m'nagghia sce pur'ie ca mugghiereme me ste aspette c'ama sce da Cicce'U'gnure a Tarde vecchie ca m'ha venute na vogghia d'accattà u' pesce ca sule aqquà u' pozze acchià... otre le chiacchiere ca'a melane s'acchie u pesce bbuene.
me!... belli ne vedime dop' ca mo voche nu poche d'fretta cenò ci a send' a quedda sanda donna de mugghiere?

Peppino riceve una telefonata dal nipote Silvio
cià zì peppin bell!!!! com stè? agghj arrivat mò da MILANO non merano!!!! Cu a currier m nagghj venut!
mo ci è ca ma aver venè a pigghià dall'aeroport???
Comunque scusa se ora parlo sofisticato, cioè in italiano. Insomma ho parlato un pò qui in giro per sapere un pò cosa stesse succedendo e mi hanno raccontato delle tue preoccupazioni....ma dimm nu poc...non è ca stè succed quidd c'a avev previst NOSTRADAMUS nu sacc di timp fa?
Ricordi che anche prima di emigrare, in una delle tante chiacchierate nostre davante alle casse di raffo mentre si giocava a padrone e sotto, erano capitati discorsi sull'inclinazione dell'asse terrestre, l'innalzamento delle temperature...lo scioglimento dei ghiacciai...tutto dovuto a quidd ca t preoccup mo? u buc e l'effetto serra!
ma zì, osc pomeriggio piccè non n incuntram ca ne parlam a voce?

PEPPINO
Ciao Silvio, mo chiame a Didine e le diche cu te ven’è pigghie!

Intanto per strada Didino è rimasto a terra col trerrote
Matooo! stamane matine m'aveva 'nguntra' cu l'amice mije, aveva sce' pigghia' a Silvio, come m’ha ditte mbà Peppe,  e invece s'ha scuasciate 'u trerrote...mannagghie de tische e tosche!

Peppino dopo aver pranzato con Carmela e Mimino
….. Bbbbbelle  … Carme’ … hame mangiate propre bbelle … le cozze ‘mbanate po’ jevene a’ fine d’u’ munne
eeee ‘mba’ Memine … alloree creje mange da’ mammete … eee .. te tratte bbuene mamma’ eee … chiangarelle cu' u' ragu' ... le purpette ... doje braciole...
Gomungue … mannagghia mannagghia …jie stoche preoccupate… no’ pozze fa’ affedamende suse a’ quidde uagnone … Didine je’ averamende nu’ bbrave cristijane … ma je’ nu’ poche scurdatijdde… mo’ se’n’ha assute cu’ a’ scuse ca’ s’ha scuasciate u’ trerrote … e m’ha lassate u’ uagnone mmienze a’ na’ strade … alle  Vurtagghie … Come ci’je’ … Silvio!  Caaaarmee’ … nepoteme Silvio …. Ste’ scenne da’ Melane …  ca’ ce’ sapeve avesse addumannate a’ ‘mba’ Viciinze …. oppuramendo a ‘mba’ Mimino…  tutt’e’ ca’ nonge sacce cuida’ je la machene ….
Riceve una telefonata
Proooondoooo … prondooooo … ci’ si’??  Ueeee Silvioooo … cu’ ce’ ste parle?? cu’ u’ tilefonine … addo’ ste’ au’zzie … aaaaa angora alle Vurtagghie?   ah, ah … eh, eh,  agghije capite au’zzie … essine va' ... va’ pigghije a’ curriere  a’zzie … ca’ quidde, … Didine, ce’ sape ce’ ha’ cumbenate cu’ u’ trerrote … mena a’zzie … aqqua’ stame nuije … te’ st’ aspittame …
Rivolto a Carmela
Caaaarmelaaaaa … Carme’ … na,na’ ... peppiacere a’ Peppine … a’ prepara’ na’ maghenette de’ cafe’ ca’ ste arrive u’ uagnone …Ca’ quidde ha dijtte ca’ mo’ n’adda spieca’ nu’ pijcche de’ cose suse alle  bbuche … sperame au’ Padeterne …
In un momento di tranquillita' Peppino fa la solita pausa di riflessione ...
…Stoche nu' picche 'ngazzate cu' Didine ... je' averamende nu' brave figghije ma quanne se' scorde le 'mbigne ca' pigghije ... nonge u' capisce ca' mette a' tutte ijndre alle uaie ...Stamatine Mimine  u' sceve cercanne  e nonge l'ha truvate ...jere ha sparite e manghe m'ha salutate ...
Ce' vue'ccu'vvide ca' tene raggione Carmela ... ca' quidde ha studechite p'u'bbuche da' frushchelona ....
None pe' quaccheccose ... ca' quidde je' spusate cu' Palmina ... averamende na' bbella piccenna .... e tene pure le' figghije ... evvabbe' ca' u' fanne studechije ... na' vote cu' le truezze ca' se' 'nvendene .... sta'vote cu' u' gombiuterrr ...Ma a' cosa chiu' brutta je' ca' me face fa' na' brutta fegure cu' nepoteme .... ce' adda' penza' u' criature .... quiste je u' respette ca' te donne l'amicie tue? mah .... mo' ca' u'veche ... l'hagghija parla' a quattuecchie ...

CARMELA  rientrando
Mbà Peppì, siccome m'è ditte cù prepare 'u cafè, agghie penzate 'bbuene de scè accattà pure dò biscuttine, p' cumbagnie nò. Scènche e vòche à putèje, cà fasce orario continuate, trasche e dimmànn': "Avete piscotti fatti a casa?" - me risponne nù ùagnone <"Si, oggi abbiamo fatto i Pizzetti e cannella>
Mànche a farla 'appòst', eran' proprie quir' cà cercave, e agghie ditt': Fammene un chiletto! Quante vène?" - m' dice <"dudesc' eur' e cinguanta"> - Jie le doche quinnec' eur' e quiste me dice <"Nò tengo spiccioli, pè resto volete caramelle?"> Agghie ditte: "Si, che caramelle sone?" - e jidde <"Le POLO,  quelle col BUCO!">
Madonna meje! agghie sbandàte, m'agghie pigghiate le piscott' e l'agghie ditte:
"None figghie mije! Caramelle col buco no nè vogghie. Nò te 'ncaricà, il resto mancia!"
Me n'agghie tùrnate a casa predecanne, predecanne! Ma vide nù poche mò pure le caramelle cù buche! Mah!

Intanto entra Silvio
ciao zio peppino eccomi!sono arrivato!Mudù quand si bell!!!! chiù passan l'ann e chiù addvint nu bell mascl...ma qual'è u segret tuo?

PEPPINO
Siiiilvioooo ...beeeeeeeelll'u' piccinne d'u'zzie  madonna meja ce'bbelle giuvinotte ca' t'e' fatte .... tu' si' semb' chiu' bbelle au'zzie ... belle accome a' mamete ... sine si' ... tale'qquale...je stoche bbuene ... eheheh a'zzie ... me' mandenghe me' mandenghe ... u' trucche u'sse' qual'je' ...mange, bbive e' no' pinza'  a'nijnde mo' ...st'amicie mije ... m'honne mise stu' caure 'ngape ... du' fatte d'u'bbuche ... accome t'hagghije dijtte au' tilefone aijeresere ...je hagghije dijtte ca' ste' arrevave tune ... e ca' ne' putive spieca' 'nguarccheccose .... mo' arrivene... e parlame tutte 'nzieme ...
Poi gridando verso la cucina
Carme' ... Carmeeelaaaa .... na' a' Peppine, ha' annuscere u' cafe' peppiaceree .... 

CARMELA entra portando caffè e biscotti
Uè Silvio, buongiorno! Come sciàme cumparjiè. E' stancos' ù viaggie cù 'a corriere no'?
Ma quiddu scurdate de Didine ha perse proprie à capa! Menumàle cà tu nò te pirde d'aneme, cà sì nu ùagnone attive, attive! Mò agghie pùrtate ù cafè e le pizzett' e cannella, cussì t'àccumme nù poche ù stommeche.

PEPPINO verso Silvio
na,na'  assasggie ste pizzette de' cannella ca' ha fatte Carmelina nostra ... sijnde quande so' bbuene ....
Menumale ca' ste' sta uagnedda a'zzie .... tra jedda  e' cumma' Jangelina ... nonge stoche maje sule ...  
ca' ci jeve pe' 'mba Didine, Viciinze, ... eeeeeee ... stave frishche  .... menumale ca' ha scise Memine da' Melane ajere ...  e ci sape ci avene a truvarme quacche sera ....

Intanto a casa di Peppino entra Mimino
Uè Peppì... t'hagghie fatte na surpresa....ste penzave... mudù quande timb' ca nunge 'u vede a Peppin' e agghie penzate... mo l'agghia fa n'abruvvsat'. Naaa!!! pure Carmela nostra sta? ....ce piacere... uhmm! agghie arrivate pund pund ...ce bell' prufum' d' caffè...
...e ci quidde bell' uagnone ca ste zzittate addà?... pare tale a quale a sorete ... no je ca per case je nepotete ca l'ultma vota ca l'agghie vist' ier' nu piccinn' ... aspè famme recurdà accome se chiama... Giu...Nic...ah si Silvio!!! Cià Silvio ...mudù accome è cresciuto mo t'arrecuerd quann'jer' gurciule ca sceve fuscenn pe' casa e mamete te lucculave sembr' appress'....
Peppì...ma tine notizie de Didine?... ca u stoche a cerc' a tutte vanne ma no se vede mang l'ombra...

SILVIO
Allor 'u zi! Parlam nù poc d stù fatt... ce ha success allor? Stoc a send d' buc su a terr,  sott'a'mar,  ind all'aria.  Agghij sintut pur a Carmel ca dice ca l buc stonn pur su all tavulin intra l caramel....
e ccè cos ste succed?

Peppino si alza di scatto e va' verso Mimino ... facendogli un cordialissimo benvenuto ...
Muduuuu' 'mba' memine bbelle ... ce' bbella surprese ... azijttete, azzijttete ... te trueve ggiuste ggiuste cu' u' cafe' ... me pare fa' ca' e''ndise l'addore ....
Siiine Memi' ... Silvio ... nepoteme ... e' viste ce' bbelle uagnone s'ha fatte .... ha pigghijate d'a' razze ....  bbella razze .... mah ....  
Peppino aspetta che Mimino si accomoda  e subito dopo si siede anche lui.
Carmeeela .... e' viste ci' steee??  Memine nuestre ....
na,na' Carme' ... sembre peppiacere ... a''nnuscere n'otra taza de' cafe' ....
Peppino si siede, guarda in faccia i due ospiti e dice ....
Pure je stoche in penZiere pe' Didine ... nonge s'ha fatte assendre pe' nijnde ... ma so' secure ca' mo' arrive ...   avessare avene' pure 'mba' Viicijnze e m'ba' Maurizzie ... e cumma' Angelina ....  ...e quacched'un'otre pure ... chiu' sijme e megghie je' no ....
Poi rivolto verso il nipote
Aspittame nu' poche Silvio bbello d'uzzie .... nonge me' pare bbelle ca' accumenzame nu' descurse e nonge stonne l'otre amicie nuestre ....
(Mannagghia a sti giuvinotte ... sembre de' pressa vonne ...)
Ca' Je e Carmela l'hame avvesate tutte ca' tenime na' specie de' riugnona ... ca' aveve avene' nepoteme da' Melane ... e mo' viste ca' ste' pure tune  ... statte aqqua' ca' tra' pijcche so' secure ca' avenene tutte ....
Battendosi le mani sulle ginocchia ...
Sperame ....

SILVIO
wuè zietto....sappi che però noi a milano le cose le risolviamo subito... non si perde tempo....
qui dobbiamo produrre!!!   c'è un problema? bon!   si risolve! c'è un buco? si chiude!

PEPPINO
Caaaaarmeeeelaaaaaa !!! ce' t'hagghije dijtte ... nepoteme sine ca' je' nu' dritte, mo' ne'le de' ijdde le spiegazzione pe' resolvere a' questione d'u'bbuche ....
Heeee 'mba' Memine bbelle ...  Silvio face u'lettriciste a' Melane... eee e',e' .... a Melane ... come a'tte' ...
Sine vabbeh ... ma u' se' ca' je' nu' giuvinotte 'ndelliggiende ... sape nu'casine de' cose ... ha studiate .... je' 'nfurmate ...ste' sijnde ca' a' Melane no'sse spavendene de' nijnde  ....  nu' probbleme??? ... no'ste' probbleme, nu'bbuche .... attappame u'bbuche .... mah .... ....
Gomungue a'zzie ... aspittame cu'rrivene pure l'otre amicie e tuje ... ca' e' addevendate melanese ... sacrosande .... n'ha spiega' totte'cose ...Pero!  a'zzie ... parle nu' picche facele facele ... ca' aqqua' nuje sijme  .... no'sse' ... ... terra terra  eppo' tuje ... arrecuerdete ca' ... sembre u' sanghe tarandine  tijne!! ....

SILVIO
m'ha scusà zi peppin! no t vulev mangà d rispett nè a tè ne all'otr present ind'a sta cas! rispetto anche chi si unirà a noi in questa discussione, basta ca u fac'n subt!!!! io non ho tempo da perdere neèèè
intanto cercherò di lavorare col WEB, tramite MAIL, in fondo basta avere un ACCOUNT che puoi lavorare da ogni angolo del mondo con un ROUTER, una connessione veloce, WIRE LESS!
Intanto rispondo a qualche collega col PALMARE....