E sineeeeee! Facite finde ca ‘no ha successe ninde… Piopò! Ehehehe! Ame sciute fine a quedda vanne… ame viste ‘u Laghe de Come (jè megghie ‘u mare picce nuestre), ame fatte pure ‘nu gol… RANTIER! Anneseeeeee! ANTONAZZO ha ffatte tutte cose idde. Ha fatte avè ‘u regore condre o Tarde Nuestre e ha state pure scettate fore… e po’? Piopò! Tutte cose da fa n’otra vote! L’arbetre BIETOLINI ha scunucchiate. Ehehehe! S’ha scuasciate ‘u menische, e ‘a partite ha state sospese. E cce coseeeeeee? Pure l’arbetre se mette! Suse ‘a tigne ‘a capa malate!
E mo… azzicche e va n’otra vote a COMO. Pigghie barracche e burattine, e va n’otra vote sbunnate a quedda vanne. Ca po’, vulesse sapè… ci è quidde scienziate ca ha penzate de fa ‘nu gerone accussì? Suse e sotte! Pigghie aeree e spinne turnise pe durmè e mangià. Proprie a nnuje ca stame ‘nderre alle carvune. Mah! Stame senza ‘na lire e facime viagge e viaggette. ‘U Tarde no’nge sté sciucave bbuene. Se vede ca ‘a cape no’nge sté ‘ngape, alle uagnune. Ma dritte e stuerte ‘nu gol l’avemme fatte… cu ‘a mane d’u Segnore. E mo, dumeneca prosseme avime sciucà alle cinghe e mezze c’u Foggie indr’a ccase. Ma ce caspete d’orarie jè? No sse cappisce cchiù ninde oramaje. A qualsiasi orarie sciochene! Ma ‘u sapene quidde d’a leghe ca ‘u ggiurne de lle Palme a Tarde Nuestre jé ‘nu ggiurne speciale… e ‘no ssule p’a feste? ‘A Tarde nuestre, quedda sere, stonne l’assembleie pe l’aggiudicazzione de lle simbele d’a Sumana Sande. Scappe Fratéééééé… a ttimbe, a ttimbe facimeeeeeee! Avugurije a tutte! Ehehehe!
